-
-
- Ապրո՞ւմ եք Հայաստանի Հանրապետության, կամ Ջավախքի գյուղական համայնքներից մեկում:
- Ունե՞ք հետաքրքիր և իրատեսական բիզնես գաղափար:
- Ցանկանո՞ւմ եք զարգացնել ձեռնարկատիրական հմտություններ և հիմնել Ձեր բիզնեսը Ձեր իսկ համայնքում:
-
Եթե այս հարցերին պատասխանեցիք «ԱՅՈ՛», ապա Հայաստանի ամերիկյան համալսարանի Թրփանճեան գյուղական համայնքների զարգացման ծրագիրը Ձեզ համար է։
Թրփանճեան ծրագրի նպատակն է նպաստել Հայաստանի գյուղական համայնքների կայուն տնտեսական զարգացմանը չափահաս բնակչության կրթության շարունակականության, հատկապես՝ ձեռնարկատիրական գործունեության ծավալման համար անհրաժեշտ հմտությունների ձևավորման միջոցով:
Թրփանճեան ծրագիրը աջակցում է Ձեր տնտեսական հնարավորությունների ընդլայնմանը՝ ապահովելով
- Ձեռնարկատիրական կրթություն
- Ֆինանսական աջակցություն
Թրփանճեան ծրագիրն ընդունում է դիմումներ
- ՀՀ Շիրակի, Տավուշի, Վայոց ձորի մարզերից և դրանց հարևան մարզերի որոշ համայնքներից.
- Արևաշող
- Գոգարան
- Գեղասար
- Ծաղկաբեր
- Կաթնաջուր
- Հարթագյուղ
- Մեծ Պարնի
- Շենավան
- Շիրակամուտ
- Սարալանջ
- Սարահարթ
- Մարգահովիտ
- Լերմոնտովո
- Ձորավանք
- Անտառամեջ
- Դփրաբակ
- Այգուտ
- Մարտունի
- Գետիկ
- Թթուջուր
- Ճամբարակ
- Զանգակատուն
- Լանջար
- Լուսաշող
- Ջավախք, Վրաստանի Հանրապետություն
Ովքե՞ր կարող են դիմել
Յուրաքանչյուր ոք, ով ցանկանում է բիզնես հիմնել ՀՀ վերը նշված մարզերում, Արցախում կամ Ջավախքում, կարող է դիմել ծրագրին: Նախքան դիմելը համոզվեք, որ
- Ունեք իրատեսական բիզնես գաղափար
- Ունեք պատրաստակամություն մասնակցելու ծրագրի կողմից կազմակերպվող դասընթացներին և զարգացնելու Ձեր ձեռնարկատիրական կարողությունները
- Մտադիր եք իրագործել Ձեր իսկ բիզնես գաղափարը
- Մտադիր եք հիմնել բիզնես վերը նշված տարածքներից մեկում
- Վստահ եք, որբ Ձեր բիզնեսը կստեղծի աշխատատեղեր և կնպաստի Ձեր համայնքի զարգացմանը
Սահմանափակումներ
- Բիզնեսը չի կարող հիմնվել մարզկենտրոնում
- Բիզնեսը չպետք է ընդգրկի գյուղատնտեսության՝ անասնապահության և հողագործության ոլորտները
Դիմելու ընթացակարգը
- Այցելե՛ք Թրփանճեան ծրագրի մարզային գրասենյակ:
- Մեր աշխատասեր և բարեհամբույր անձնակազմը կուղղորդի Ձեզ, որպեսզի լրացնեք Ձեր հայտադիմումը
- Հանձնեք դիմումը գրասենյակ:
- Եթե Ձեր բիզնես գաղափարը իրատեսական է, Ձեզ հետ կկապվեն և կհրավիրեն մասնակցելու մեկամսյա դասընթացին, որը նվիրված է ձեռնարկատիրական հմտությունների ձեռքբերմանը և զարգացմանը:
- Դասընթացը ավարտելուց հետո Դուք կներկայացնեք Ձեր բիզնես ծրագիրը ժյուրիին, որի կազմում են կոմերցիոն բանկերի վարկային մասնագետներ, գյուղական համայնքների զարգացմամբ զբաղվող կազմակերպությունների ներկայացուցիչներ և Թրփանճեան ծրագրի տարածքային անձնակազմը:
- Ժյուրիի կողմից լավագույն գնահատականի արժանացած ծրագրերը երաշխավորվում են վարկավորման Թրփանճեան ծրագրի հետ համագործակցող բանկերի միջոցով՝ 6% տարեկան տոկոսադրույքով:
Բիզնեսը հիմնադրելուց հետո Դուք դառնում եք Թրփանճեան ծրագրի գործընկերը։ Այդ պահից սկսած՝ Ձեր բիզնեսի զարգացումը կգտնվի ծրագրի տարածքային ներկայացուցչության մշտադիտարկման ներքո է, և անձնակազմը մշտապես կտրամադրի Ձեզ անհրաժեշտ աջակցություն և խորհրդատվություն: