Թրփանճեան ծրագրի ևս մի շահառու իր բիզնեսը հիմնեց Տավուշի մարզում
Փետրվարի 5-ին տեղի ունեցավ Հայաստանի ամերիկյան համալսարանի Թրփանճեան գյուղական համայնքների զարգացման ծրագրի շահառու պրն. Արշակ Էվինյանի բիզնեսի պաշտոնական բացումը կարմիր ժապավենի կտրման արարողությամբ: Բազմաթիվ հյուրեր Այրումից, հարակից համայնքներից, ինչպես նաև Թրփանճեան ծրագրի այլ շահառուներ ներկա էին բացման արարողությանը:
ՀԱՀ Թրփանճեան ծրագրի աջակցությամբ պրն. Էվինյանը ձեռք է բերել ձեռնարկատիրական հմտություններ, ստացել է ֆինանսական աջակցություն և հիմնել է իր աքսեսուարների խանութը իր հայրենի համայնքում:
Ի շնորհիվ ձեռք բերված գիտելիքի և բիզնես վարկի՝ պրն. Էվինյանը կառուցել է խանութը և գնել բիզնեսի համար անհրաժեշտ սարքավորումները և պարագաները: Բիզնեսը երկու նոր աշխատատեղ է ստեղծել Այրում համայնքում:
Պրն. Էվինյանի խանութը հիմնականում վաճառում է հագուստ և զարդեր (արծաթ և ոսկի): Երբ կլինեք Այրումում անպայման այցելեք պրն. Էվինյանի խանութը յուրահատուկ գեղեցկություն ունեցող զարդերից գնելու համար:
Պրն. Էվինյանը իր երախտագիտությունն է հայտնել ծրագրին, ինչպես նաև ողջ անձնակազմին այսպիսի հնարավորություն ընձեռելու և իրեն շարունակապես աջակցելու համար:
ՀԱՀ Թրփանճեան գյուղական համայնքների զարգացման ծրագիրը շարունակում է դիմումների ընդունումը իր մարզային գրասենյակներում: