Դիմել ծրագրին

Mushegh Hunanyan

  • Դուք ապրում եք Հայաստանի Հանրապետության (ՀՀ), Արցախի կամ Ջավախքի համայնքներից մեկու՞մ:
  • Դուք ունեք հետաքրքիր և իրատեսական բիզնես գաղափա՞ր:
  • Ցանկանում եք զարգացնել ձեռնարկատիրական հմտությունները և հիմնել Ձեր բիզնեսը Ձեր իսկ համայնքու՞մ:

 Եթե Ձեր պատասխանը ԱՅՈ-է, ապա Հայաստանի ամերիկյան համալսարանի Թրփանճեան գյուղական համայնքների զարգացման ծրագրի առաջարկած հնարավորությունները հենց Ձեզ համար են:

Թրփանճեան գյուղական համայնքների զարգացման ծրագրի նպատակն է նպաստել Հայաստանի գյուղական համայնքների կայուն տնտեսական զարգացմանը չափահաս բնակչության շարունակական կրթության, նրանց մոտ ձեռնարկատիրական գործունեության ծավալման համար անհրաժեշտ հմտությունների ձևավորման միջոցով:

Թրփանճեան ծրագիրը  տնտեսական հնարավորություններ է տրամադրում գյուղական համայնքների բնակչությանը հետևյալի միջոցով՝

  • Ձեռնարկատիրական կրթություն
  • Ֆինանսական աջակցություն

Թրփանճեան ծրագրին կարող եք դիմել հետևյալ տարածաշրջաններից՝

  • ՀՀ երեք մարզերից՝ Շիրակ, Տավուշ, Վայոց ձոր և հետևյալ մարզերի նշված համայնքներից՝ 
Լոռի
  1. Արևաշող
  2. Գոգարան
  3. Գեղասար
  4. Ծաղկաբեր
  5. Կաթնաջուր
  6. Հարթագյուղ
  7. Մեծ Պարնի
  8. Շենավան
  9. Շիրակամուտ
  10. Սարալանջ
  11. Սարահարթ
  12. Մարգահովիտ
  13. Լերմոնտովո
Գեղարքունիք
  1. Ձորավանք
  2. Անտառամեջ
  3. Դփրաբակ
  4. Այգուտ
  5. Մարտունի
  6. Գետիկ
  7. Թթուջուր
  8. Ճամբարակ
Արարատ
  1. Զանգակատուն
  2. Լանջար
  3. Լուսաշող
  • Արցախի Հանրապետություն
  • Ջավախք, Վրաստանի Հանրապետություն

Ովքեր կարող են դիմել ծրագրին

Յուրաքանչյուրը, ով ցանկանում է բիզնես հիմնել ՀՀ վերը նշված մարզերում, Արցախում կամ Ջավախքում կարող է դիմել ծրագրին, եթե՝

  • Ունեք իրատեսական բիզնես գաղափար
  • Ունեք պատրաստակամություն մասնակցելու Ծրագրի կողմից կազմակերպվող դասընթացներին և զարգացնելու ձեռնարկատիրական կարողությունները
  • Մտադիր եք իրագործել Ձեր իսկ բիզնես գաղափարը
  • Մտադիր եք հիմնել բիզնես վերը նշված տարածքներից մեկում
  • Վստահ եք, որբ Ձեր բիզնեսը կստեղծի աշխատատեղեր և կնպաստի Ձեր համայնքի զարգացմանը

Սահմանափակումներ

  • Բիզնեսը չի կարող հիմնադրվել մարզկենտրոնում
  • Բիզնեսը չպետք է ընդգրկի գյուղատնտեսության՝ անասնապահության և հողագործության ոլորտները

 

Դիմելու ընթացակարգը

  1. Այցելեք Թրփանճեան ծրագրի մարզային գրասենյակ մեր աշխատասեր և բարեհամբյուր անձնակազմի հետ ծանոթանալու համար:
  2. Լրացրեք դիմումը և հանձնեք գրասենյակ:
  3. Եթե Ձեր բիզնես գաղափարը իրատեսական է, Ձեզ հետ կկապվեն և կհրավիրեն մասնակցելու մեկ ամիս տևողությամբ դասընթացների ձեռնարկատիրական հմտություններ ձեռք բերելու, և կամ դրանք զարգացնելու համար:
  4. Դասընթացը ավարտելուց հետո, դուք կներկայացնեք Ձեր բիզնես ծրագիրը ժյուրիին, որը ներառում է կոմերցիոն բանկերի վարկային մասնագետներ, գյուղական համայնքների զարգացմամբ զբաղվող կազմակերպությունների ներկայացուցիչներ և Թրփանճեան ծրագրի մարզային անձնակազմ:
  5. Ժյուրիի կողմից լավագույն գնահատականի արժանացած ծրագրերը երաշխավորվում են վարկավորման Թրփանճեան ծրագրի հետ համագործակցող բանկերի միջոցով, 6% տարեկան տոկոսադրույքով:

Բիզնեսը հիմնադրելուց հետո դուք դառնում եք Թրփանճեան ծրագրի գործընկերը, ինչը նշանակում է, որ այն մշտապես հետևում է Ձեր բիզնեսի զարգացմանը, և եթե կարիք է լինում, Ծրագրի մարզային անձնակազմը տրամադրում է անհրաժեշտ աջակցություն և խորհրդատվություն:

Ներբեռնել դիմումաձևը: