Սամվել Ռաֆաելյանի Պանրի արտադրամասի բացումը Ջավախքում
Հուլիս 14, 2012
2012թ.-ի հուլիսի 6-ին Սամվել Ռաֆաելյանը Թրփանճեան ծրագրի թիմի հետ համատեղ իրականացրեց իր պանրի արտադրության բիզնեսի բացումը Վրաստանի Նինոծմինդա շրջանի Հեշտիա գյուղում: Բացման արարողության հյուրերի քանակը սպասվածից շատ էր: Հյուրերի շարքում կային նաև կառավարության և ԶԼՄ-ների ներկայացուցիչներ:
Իր արտադրամասը ներկայացնելիս պրն. Ռաֆայելյանը իր երախտագիտության խոսքն ասաց Թրփանճեան ծրագրի թիմին իրենց քրտնաջան աշխատանքի և աջակցության համար: Նա ավելացրեց, որ առանց Ծրագրի աջակցության նա չէր կարողանա իրականացնել անհրաժեշտ վերանորոգումը և գնել նոր սարքավորումներ ամենաբարձր չափանիչներին համապատասխան պանիր արտադրելու համար:
Միջոցառման հյուրերի շարքում էին նաև Թրփանճեան ծրագրի շահառուներ Արմեն Չախոյանը, ով նույնպես զբաղվում է պանրի արտադրությամբ և դեղատան սեփականատեր Սևակ Երանոսյանը: Նրանք շնորհավորեցին իրենց գործընկերոջը, և ցանկություն հայտնեցին ապագա համագործակցության համար: Հյուրերը մեծ հետաքրքրությամբ լսում էին պանրի արտադրության տեխնոլոգիայի մասին՝ միևնույն ժամանակ համտեսելով պանրի տարբեր տեսակներ:
Պրն. Ռաֆայելյանը արտադրում է ավելի քան վեց տեսակի պանիր, այդ թվում վրացական Լոռի, Գաուդա ռոկֆոր, Սուլուգունի և Չեչիլ: Պանիրը բաշխվում է Թբիլիսիի լավագույն ռեստորաններին և սուպերմարկետներին: Պրն. Ռաֆաելյանը օգտագործում է Հայաստանի Գեղարքունիքի մարզի Գավառի անասնաբուժական ինստիտուտում ստացած իր գիտելիքները արտադրության համար կաթ ընտրելիս: Կաթը տրամադրում են համայնքի բնակիչները: